Prichéra pa la terra

Mi n'ammentu chidd'occhj beddhi chi figghjulaìani lu mundu e cantu è beddha la vita da l'occhj di li steddhi:

brincaìami comu capri annanta a li monti, ridìami comu maccioni e currìami comu leppari...

Drummiti illi macchjoni intindìami l'alenu di li spiriti tra lu profumu di la chessa e chiddu di la multa, com'era beddu pissassinni la matina cu la bagnagghja illi capiddhi e fà l'amori come salpi in mezzu a l'ea.

Curriami la molti in dugna risa e annanta a li tanchi piddaiami lu bolu baddendi.

Palti di chista vita sinn'é andata e s'ha pultato infattu tanti minnanni, tanti parauli e tanti trabaddi ma alumancu chista terra c'è filmata e l'emu a tinì bé ogghj fatta a omini e dumani fatti a spiriti.